"... Да они ж богдойские неприятельские люди меня холопа в(а)шего и в(а)ших г(о)с(у)д(а)рьских служилых и всяких чинов людей к полковым воеводам в табары к себе имали и к царю своему богдокану служить призывали и многим жалованьем и честью и дары от царя своего прельщали. И я холоп в(а)ш и в(а)ши г(о)с(у)д(а)рьские служилые и всяких чинов люди памятуя православную хр(и)стиянскую веру и в(а)шувеликих г(о)с(у)д(а)рей к себе премногую м(и)л(о)сть и ко г(о)с(по)ду б(о)гу и к вам великим г(о)с(у)д(а)рем свое обещание и кр(е)стное целование на их прелести не здались и богдойскому их царю служить не пошли и на многое жалованье и дары не обольстились. И пошли со мною холопом в(а)шим в ваши великих г(о)с(у)д(а)рей городы наги и боси и голодны питалися травою и кореньем. А иные служилые и всяких чинов в(а)ши г(о)с(у)д(а)рьские люди забыли страх б(о)жий и в(а)шу г(о)с(у)д(а)рьскою премногую к себе м(и)л(о)сть и кр(е)стное целование изменили вам великим г(о)с(у)д(а)рем и остались от меня холопа в(а)шего у богдойских воевод в табарах. А со мною холопом в(а)шим не пошли сорок четыре ч(е)л(о)в(е)ка...."